Nav Durga Stotram नवदुर्गास्तोत्रम्

 

Nav Durga Stotram

नवदुर्गास्तोत्रम्

देवी शैलपुत्री ।

वन्दे वाञ्छितलाभाय चन्द्रार्धकृतशेखराम् ।
वृषारूढां शूलधरां शैलपुत्रीं यशस्विनीम् ॥

देवी ब्रह्मचारिणी ।
दधानाकरपद्माभ्यामक्षमालाकमण्डलू ।
देवी प्रसीदतु मयि ब्रह्मचारिण्यनुत्तमा ॥

देवी चन्द्रघण्टा ।
पिण्डजप्रवरारूढा चण्डकोपास्त्रकै॑र्युताः ।
प्रसादं तनुते मह्यं चन्द्रघण्टेति विश्रुता ॥

देवी कूष्माण्डा ।
सुरासम्पूर्णकलशं रुधिराप्लुतमेव च ।
दधानाहस्तपद्माभ्यां कूष्माण्डा शुभदास्तु मे ॥

देवी स्कन्दमाता ।
सिंहासनगता नित्यं पद्माश्रितकरद्वया ।
शुभदास्तु सदा देवी स्कन्दमाता यशस्विनी ॥

देवी कात्यायनी ।
चन्द्रहासोज्ज्वलकरा शार्दूलवरवाहना ।
कात्यायनी शुभं दद्यात् देवी दानवघातिनी ॥

देवी कालरात्रिः ।
एकवेणी जपाकर्णपूरा नग्ना खरास्थिता ।
लम्बोष्ठी कर्णिकाकर्री तैलाभ्यक्तशरीरिणी ॥
वामपादोल्लसल्लोहलताकण्टकभूषणा ।
वर्धन्मूर्धध्वजा कृष्णा कालरात्रिर्भयङ्करी ॥

देवी महागौरी ।
श्वेते वृषे समारूढा श्वेताम्बरधरा शुचिः ।
महागौरी शुभं दद्यान्महादेवप्रमोददा ॥

देवी सिद्धिदात्री ।
सिद्धगन्धर्वयक्षाद्यैरसुरैरमरैरपि ।
सेव्यमाना सदा भूयात् सिद्धिदा सिद्धिदायिनी ॥

इति नवदुर्गास्तोत्रं सम्पूर्णम् ।